Данелиядай дарынды әншілерге, кейбір актерлар бәсекелестік тудыруда! Мәселен, Биллбордтың чартында Бредли Купер тағы да үздіктер қатарында! Одан өзге, майталман музыканттарға дес бермеген киногерлер кімдер?

Әсерлі әнімен «Оскар» сахнасына дейін жету Брэдли тұрмақ, кей орындаушылар үшін де арман екені жасырын емес. Одан бөлек, Леди Гагамен «Жұлдыз дүниеге келді» картинасында шырқалған тың туынды – жарты жылға жуық «Биллбордтың» үздіктер көшінен түспеуде.

Алайда, мықты музыканттардың өзін шаң қаптырған жалғыз Брелди Купер емес. Әйгілі чарттың сатылымы ең жоғары тректерінің тізімінде Дженнифер Лоуренстің де есімі табылған еді.

«Оскар» иегерінің «Ашкөз ойындар» фантастикасына арналған әнді тамаша орындауы, көптің көңілінен шыға алды.

Кіл мықты киногер әлі театр әртісі Мэрил Стрип вокалдық қабілетінің кәсіби әншілерден кем түспейтінін «Мама Миа» лентасында көрсеткен еді.

Көп қыздың арманы – Дуэйн Джонсон есімі де музыкалық чарттардан түспей жүр. Тыңдарманды таңқалдырған актердің «Моанада» шырқаған әсерлі әні.

«Биллборд» үшін Хью Джекман есімі де таңсық емес! «Ұлы шоумен» картинасындағы күллі саундртректер, тыңдалымы жағынан әлі де рекорд орнатуда.