Рахметовке, корейлік әріптестерінің жетістігін қайталауына тілектеспіз! BTS бойзбенді халқаралық фонограма федерациясының пайымымен ең табысты альбом иегерлері атанды.

«IFPI» компаниясы ұсынған тізімде, сатылымы жоғарылар көшін «Ұлы шоумен» картинасының саундтректері бастап тұр. Аталмыш кинокартинада шырқалған әрбір туындыны халық әлі де таласа тыңдауда. Еске салсақ, Хью Джекман ондағы әсем әуеннің бірімен биылғы Brit Awards-тың шымылдығын түрген еді.

Одан кейін, жетістікке жеткендер ізін әлемді жаулаған «BTS-тіктер» жалғайды. Корейлік бойзбендтің қос бірдей альбомы Ники Минаж, Дрейк, тіпті Карди Би-ге де шаң қаптырған көрінеді.

Осылайша, тізімде «Bangtan Boys-тың» - «Love Yourself: Answer» әнжинағы екінші орынға жайғасса, жігіттердің «Love Yourself: Tear-сы» үшінші үздік жинақ.

Көп ұзамай, «BTS-тықтардың» тағы бір туындысы тыңдалымы жоғарылар қатарынан табылса таңқалмаңыз! Мемберлер жанкүйерлерін тағы бір жағымды жаңалықпен қуантқан еді.

Бойзбендтің кезекті «Map Of The Soul: Persona» атты альбомы 12 сәуір күні жарық көрмек! Алдын-ала сатылымға түскен жинақты, «Army» бүгіннің өзінде иемденуге асығуда.