Әнші Джесси Джей музыка мықтыларының марапатына қатыспай-ақ танылу мүмкіндігіне ие болғандай. Өнерпаз ару, голливуд жұлдызы Ченнинг Татумның сүйіктісі көрінеді. Жұлдызды жұп қарым-қатынасын жұрттан неге жасырып келген?

Ченнинг Татум мен Джесси Джей өткен жылдан бері көңіл қосқан екен. Жұптары жарасқан ғашықтар, біраз уақыт жұрт назарынан жырақта жүруді құп көрген. Алайда жұлдыздар күні кеше Лондон қаласында өткен «Magic Mike Live» шоуында папарацци көзіне түсті. Айтулы кешке қол ұстаса келген актер мен әнші, бұдан-былай жасырынбауға бел буыпты.

Ким Кардашьян көпбалалы жанұя болуды көздейді. Атышулы сәнбике ол үшін суррогат ананың көмегіне қайта жүгінуге дайын. Ким кенже қызы Чикагоны дүниеге әкелген әйелге 67 мың АҚШ долларын төлеген екен және де ай сайын шотына 4,5 мың доллар аударады екен. Ким құрсақ ананың көмегімен төртінші рет сәбилі болғысы келеді.

Америкалық «Үлкен жарылыс теориясы» телехикаясы көрерменімен қош айтыспақ. «CBS» арнасы – бұған дейін 12 маусымы жарыққа шыққан әйгілі ситкомның, ақырғы бөлімін ұсынды. Жоба авторлары сериалдың соңғы оқиғаларын тек бір эпизодпен көрсетпек. Тұсаукесері биылғы жылдың мамыр айына жоспарланған картина – қос оқымыстының бастан кешкен хикаясын баяндайды.