«BTS» миллиондаған жанкүйерлерінің арқасында, «iHeartRadio Music Awards» марапатына үміткер атанды. «Үздік фанаттар армиясы» номинациясын иеленген корейлік ұжым, Ариана Гранде, Джастин Бибер, және Cardi B сынды талантты өнерпаздармен бірге бақ сынамақ.

«iHeartRadio Music Awards» – музыка саласының үздіктерін анықтайтын шара. Осымен алтыншы жыл қатарынан өткізіліп отырған ән бәйгесі, «iHeartMedia» радиостанциясында тыңдалған туындылардың авторларын марапаттайды.

Басты «Жыл әні» номинациясына үміткерлер тізімінде – Пост Малоннің «Better Now» трегі, Maroon 5 пен Карди Бидің «Girls Like You» әні, рэпер Дрейктің «God's Plan» хиті және Ед Ширанның «Perfect» шығармасы бар.

2018-де түрлі музыкалық чарттарың көшін бастаған Ариане Гранде «Жыл әншісі» аталымынан дәмелі. Өнерпаз аруға Камила Кабельо, Дуа Липа және Холзи сынды талантты жас орындаушылар бәсекелес болмақ.

Кезінде «Грэммидің» триумфаторы болған Дрейк, «Жылдың хип-хоп әні» жүлдесін жеңіп аларына сенімді. Себебі рэпердің 3 бірдей хиті дәл осы номиянацияға ұсынылған.

Карди Би мен Трэвис Скотт, музыкант Кендрик Ламармен «үздік хип-хоп орындаушы» атану үшін бақ сынайды. Дәл осы жанрда әні бәйгеге түсетін өнерпаздар қатарында – марқұм болған XXXTENTACION да бар. «iHeartRadio Music Awards» жеңіпаздары күні ертең анықталмақ.