Даулы әрі ғажайыпқа толы кейіпкер Аладдин де ортамызда! «Дисней» киностудиясы әйгілі ертегіге арнап таспаланған тың туындысының трейлерін көрерменге ұсынды. Наоми Скотт пен Уилл Смиттің өзі атсалысқан картина, шытырманға толы деседі авторлар.

Режиссер Гай Ричи «Аладдиннің» тизерін бірер ай бұрын жарыққа шығарған еді. Алайда киногердің ұсынған кадрлары көптің көңілін көншіте қоймаған. Сондықтан болар жоба авторлары қайта түсірілім жұмыстарын жүргізсе керек.

Аладдин мен Жасминнің хикаясы, жаңаша сюжетпен емес, түпнұсқа анимациялық картинаның көшірмесі ретінде ұсынылмақ. Ханшайымға ғашық болып, ханзада атануды көздейтін ұрлықшы баланың қызыққа толы оқиғасын, 23-ші мамырдан бастап үлкен экрандардан көре аласыздар.