Әйгілі Биллборд чарты музыкадағы өз үздіктерін анықтады! Бұдан-былай Леди Гага мен Карди Би ең мықты өнерпаз емес! Қос аруды аталмыш тізімнен ағайынды «Jonas-тар» ығыстырып отыр.

Jonas Brothers-тің камбэгі көпке ұнап жатқандай! 2005 жылдан бастап өнер әлеміне қадам басқан ағалы-інілі ұжым, 2016 жылы топтың тарайтынын жеткізген еді. Содан бері, үнсіздікте болған үштік қайта бас қосып, «Sucker» трегін ұсынып отыр! Туындының, Биллборд чартында көш бастауына қарағанда, ағайынды Джонасты тыңдарман сағынған сыңайлы.

Есесіне, Ариана «7 rings» трегімен өткен жетістігін қайталай алмай жатқандай! Екінші орынға іліксе де, әсем ән «thank u, next»-тің орын басар емес. Бұл тректің де тыңдалымы жоғары болғанын қалаған Гранде, әуеннің құрметіне қолына тату салдырып, кезінде түрлі жанкештілікке барған болатын.

Топ жарғанның тағы бірі – Карди Би мен Бруно Марс! Көптен көрінбей кеткен әнші жігіт атышулы арумен бірге жарқ ете қалғандай! Қос өнерпаздың күні кеше ұсынған «Please Me» бейнебаяны бүгіннің өзінде 58 миллион қаралым жинап үлгерген. Сондықтан, бұл тандем «үздік каллобарация» аталымына сөзсіз лайық!