Талай көрерменнің көңілінен шығып, «Оскар» марапатына үміткер атанған «Богемдық рапсодия» фильмі өз жалғасын таппақ. Әйгілі музыкант Фредди Меркьюри жайлы картинаға, жоба авторлары сиквел түсірмек ниетте. Кинотуынды әрі қарай қалай өрбімек?

Продюсер Руди Долезал «Богемдық рапсодия» туындысының жалғасын таспалау ісі, қызу талқыланып жатқанын айтады. Аты аңызға айналған

«Queen» тобы жайлы лентаның жалғасында – Фредди Меркьюридің сахнадағы соңғы сәттері суреттелмек. Сюжет желісіне 1986 жылғы «Magic tour» турнесі негізге алынған. «Queen-нің» бұл ән сапарында, әйгілі Фредди, өзі шалдыққан жұқпалы ауруымен күреседі.

Кендалл Дженнер жан-жануарларға үйір әрі қамқор. Ол өзінің үйін мекендейтін хайуанаттарды жанкүйерлеріне көрсетіп мақтанды. Сәнбике таяуда ғана дүниеге келген жыланды асырап алған екен. Кардашьяндар әулетінің мүшесі, бұған дейін анасы Крис Дженнер сыйға тартқан «Сьюзи» есімді шипанзені де баққан еді.

Леонардо ДиКаприо сүйіктісі Камила Морронемен бір шаңырақ астында тұрып жатыр. Танымал актер 21 жастағы сәнбикемен жарты жылдан бері көңіл қосып келеді. Қос ғашық Леоның Лос-Анджелестегі зәулім үйінде қоныс тепкен. Бұл сарайда ДиКаприоның анасы да мекендейді екен. Голливуд жұлдызын енді бойдақтықпен қош айтысады деседі көпшілік.