«Marvel» кинокомпаниясы кезекті супеқаһарманына іздеу жариялады. Әйгілі студия жаңа кейіпкері туралы фильм таспаламақ. «Мәңгілік» деген атауға ие болған тың франшизаның басты рөлі кімге бұйырады?

«Marvel-дің» талаптары бойынша суперқаһарман 30-49 жас аралығындағы тұлға болуы тиіс. Аталмыш студияның президенті Кевин Файги, жаңа батырдың образына кез-келген қарапайым жан үміткер атана алады дейді. Марвел жанкүйерлері «Мәңгілік» фильмінде Капитан Америка, яғни Крис Эвансты көргісі келетіндерін жеткізді. Келер жылы жарыққа шығатын фантастикалық лента Ұлыбритания елінде, режисер Хлоя Чжаоның жетекшілігімен түсірілмек.

Анджелина Джоли басты ролді сомдайтын «Малефисентаның» екінші бөлімі, мерзімінен бұрын көрерменге ұсынылмақ. «Walt Disney» студиясы таспалаған фэнтези жоспарланған уақыттан жарты жыл ертерек көрерменге жол тартады. Жоба авторлары лентаның «Малефисента: Жамандық әміршісі» атауына ие болғанын мәлімдеді. Аталмыш туынды, 2020 жылдың қазан айынан бастап үлкен экрандарда.

Дилан МакДермотт сөз байласқан қалыңдығы Мэгги Кьюмен қарым-қатынасын үзді. Қос актер 4 жылдан астам уақыт көңіл қосып, үйленуге де уәделескен еді. Алайда жұлдызды жұптың тығыз жұмыс кестесі, олардың бақытты жанұя болуына кедергі келтірген. Уақыты тапшы танымалдар алғаш 2014 жылы «Сталкер» картинасының түсілірім алаңында табысқан болатын.