Рианнаның өмірі жайлы картина түсіруге болады. Себебі «Netflix» кинокомпаниясы сахна жұлдыздарына арналған фильмдер таспалауға кірісті. Аталмыш студия бірінші болып америкалық «Mötley Crüe» тобы туралы биографиялық лента ұсынбақ.

Су жаңа трейлері жарық көрген картина – Лос-Анджелесте 1981 жылы құрылған, глэм-метал жанрында өнер көрсететін алғашқы топтың тағдыры жайлы. «Балшық» деп аталатын фильм, «Мотли Крюдің» шығармашылық жолында тап болған қиыншылықтарын да бүкпесіз баяндаған. Бұл ұжымнің негізін гитарашы - Никки Сикс пен барабаншы Томми Ли қалаған еді. Өнер иелеріне арналған туынды, 20-шы наурызда үлкен экрандарға шықпақ.

Ресей елі де музыкантқа фильм арнады. «Ван Гоги» деп аталатын туынды, дирижердің хикаясын суреттейді. Гастрольдік сапарлардан қолы тимейтін өнер иесі, жақындарына мейірімін бөлуден қалады. Жан-дүниесі астаң-кестең болған жанның оқиғасы – драма жанрында таспаланған. Режиссер Сергей Ливнев басшылық еткен лента, 7-ші наурыздан бастап ұсыныламақ.

Шарлиз Терон су жаңа «Фларски» комедиясында басты кейіпкер. Актриса бұл жолы бала күтушінің рөлінде. Фильм, Фред Фларски есімді журналист жігіт жайлы. Ол кезінде өзін бағып-қаққан жанмен есейген шағында кездеседі. Қызыққа толы картина, 6-шы маусымда жарық көрмек.