Режиссер Тим Бёртон да, тың туындысымен көпшілік көңілінен шығуға ниетті. Киногердің су жаңа «Дамбо» картинасының трейлері жарық көрді. Сиқыршылардың өмірін суреттейтін фэнтезиде, кішкентай пілге де орын табылған.

«Уолт Дисней» студиясы ұсынған «Дамбо» - алғаш 1941 жылы шыққан анимациялық туындының негізінде таспаланған. Лентада, цирктің басшысы Холт Фэрриер, жаңа туған пілге қамқор болады. Бұл жануардың ерекшелігі – оның құлағында. Ұша алатын қабілетке ие бұл жаратылыс, енді сиқыршылардың басты қаруына айналады.

Ева Грин, Колин Фаррел сынды танымал актерлар басты рөлді сомдаған лента, 28-ші наурыздан бастап үлкен экрандарда.

«Оскардың» үздік фильмі аталымынан үміткер «Қара қабылан» лентасы өз жалғасын таппақ. Ваканда әлемінің ханзадасы Т`Чалланың кезекті хикаясы жайлы картинаның тізгіні, режиссер Райан Куглерге тағы да сеніп тапсырылған. Жоба авторлары, ең қызықты тосын сый – фантастикалық туындының бірінші бөлімінде көз жұмған кейіпкер Эрик Киллмонгердің, қайта оралуы деп отыр.

Джордж Клуни балаларымен кездесе алмай жүр. Тіпті актер жарты жылдан бері балдырғандарын көрмеген. Оған себеп, жұбайының қос сәбиін үйінен алып кетуінде. Отбасына қажетті уақыт бөлмейді деп ренішін білдірген Амаль, актермен қарым-қатынасын біржолата үзбек ниетте. Клуни болса, мұрагерлерін өз қамқорлығына қайтарып алу үшін күресуге даяр.