Отандық өнерпаз The Kitchen Songs та, су жаңа бейнебаянмен тыңдармандарын қуантпақ. Өнерпаз бірден 3 клип жарыққа шығаруды көздеп отыр. Музыканттың тың туындыларын жарыққа шығарған ресейлік лейблдардың бірі екен.

«Папа космонавт» - The Kitchen Songs-тың орыс тілінде тыңдарманға жол тартатын екінші туындысы. Музыкант дәл осы әннің бейнебаянына, қоғамдағы күрделі мәселенің бірін арқау еткен. Азамат тоқталған жағдай – әке мен бала арасындағы қарым-қатынас.

The Kitchen Songs, әнші:

- Ең бастысы біз көрсеткіміз келгені, ол «взгляд со стороны» дейміз ғой. Болып жатқан ситуацияға нақты сырттан көзқарас. Адамдар мысалы өзін бірдеңе жасап жатқан кезде, сырттан қалай көрінетінін білмейді да, соны бізге көрсету ең басты мәселе болған.

Бір жылдай үнсіз жүрген жас әнші, енді соның орнын толтырам деп құлшынып отыр. Өнерпаздың таспалауға кіріскен екінші клипі – «Қиялға» әніне. The Kitchen Songs-тың туындылары, енді Ресей елінің телеарналарында көрсетілмек. Оған Азаматтың жақында келісімшартқа отырған музыкалық орталығы жауапты болмақ.

The Kitchen Songs, әнші:

-Екі ай бұрын ресейлік, «Unipop music» деген лейблмен келісім шартқа отырдық. Енді қазақша да, орысша да өлеңдер шыға бастайды. Сол лейблдің атынан шығара бастаймыз.

«Unipop music» - ресейліктермен қатар өзге ел әншілерінің әлемдік ауқымда танылуына өз үлесіп қосып келеді. Бұл лейбл – Араш, Кельвин Харрис, Ne-Yo сынды жұлдыздармен жұмыс атқарған. Енді The Kitchen Songs та өз мансабын осы орталыққа сеніп тапсыруда.

The Kitchen Songs, әнші:

-Ең бастысы жұмыс істеу, тоқтамау деп ойлаймын өзім. Тыңдармандарым бар күтіп жүр. Соларды қуанту үшін жасалып жатқан жұмыс.

Азаматтың су жаңа бейнебаяндары жақын күндері жарыққа шығады.