Отандық киногерлер болса, келер айдың табысын шетелдік бәсекелестермен бөлісуге құлықсызбыз дейді! Мәселен, солардың бірі – жаңа биографиялық лента ұсынған Ақан Сатаев. Одан өзге, желтоқсан айының киносүйер қауымға ұсынар тың туындылары қандай? Тілшіміз тізімдеп көрді.

Келер айда Ақан Сатаев «Көшбасшы жолы. Астана» картинасының тұсауы кеседі. Кинотеатрларда 1-ші желтоқсаннан бастап көрсетілетін биографиялық лента – елбасының өміріне арналған.

Байопиктің ізін ала, «отбасы құру» мәселесін көтерген «Свадьба КЗ» комедиясы көрерменге жол тартады. Киносүйер қауым сан сұлудың жүрегін жаулаған Тәуекел Мүсілімнің үйлену тойының куәгері атанбақ!

Тәуекел Мүсілім, актер:

-Бұл жерде бір ғана қалыңдық болмайды. Бірнеше кандидат. Сол кандиттардың ішінен мен таңдайтын боламын. Кез-келген ер-жігіттің өмірінде кездесетін жағдай. Жаңағы таңдаудың үстінде жүру. Кинода көбінесе сол көрсетіледі.

Желтоқсан айында ел тамашалауға асыққан туындының тағы бірі – Нұрлан Қоянбаевтың Африкада құрған бизнесі.

Нұрлан Қоянбаев, кинопродюсер, тележүргізуші:

-Үшінші кинода біз басқа менталитетке келуіміз керек. Мысалы, көшпенділер басқа менталитетпен кездесу керек.

Иә, Нұртас Адамбай тағы да әйел образыне еніп, кино құмарлар жандарды тың туындымен қуантуға ниетті. Картина, екі жастың үйлену тойы қарсаңындағы жаңа туысқандардың арасындағы текетіресті суреттейді.