Кардашьян әулетінің экс-келіні Блэк Чайна, енді әнші ретінде бағын сынап көрмек. 30 жастағы танымал сәнбике дебьюттық туындысын ұсынды. Блэктың музыка әлеміне жасаған алғашқы қадамын табынушылары құп көрді ме?
Блэктің көпшілікке танылуна Роб Кардашьянмен қарым-қатынасы себеп болған. Сәнбике екі жылдан бері жұлдызды әулеттің экс-келіні. Өзінің ерсі қылықтарымен де көзге түскен сылқым, енді жаңа қырынан көрінбек. Чайна ұсынған су жаңа трек - «Deserve» деп аталады. Тың туындыға музыканттар: Yo Gotti мен Jeremih қолдау көрсетіпті.
***
Брэд Питт пен Анджелина Джоли заңды түрде ажыраса алмай жүр. Танымал жұп бірнеше жыл бұрын айрылысқанына қарамастан, ресми құжаттарға қол қоймапты. Бұған себеп қос актердың ортақ балаларын бөлісе алмауында. Желтоқсанның 4-іне жоспарланған сот, енді келер жылға шегерілген.
***
The Beatles тобы фанаттарына тосын сый әзірледі. Әйгілі ұжым 48 жылдан кейін су жаңа бейнебаян ұсынды. Британдық рок-топ, сонау 1968 жылы жарық көрген «Glass Onion» әніне арнайы видео таспалаған көрінеді. Туынды аңызға айналған музыканттардың жарты ғасырлық шығармашылығына арналыпты.
