Отандық киногерлер де шетелдік сайыста жүлделі оралуда! Халықаралық Hollywood Film Festival кинобайқауында «Әміре» фильмі Silver Screen Award яғни «күміс экран» марапатына ие болды.

Еске салсақ, аталмыш фестивальдің негізгі байқауы Лос-Анджелес қаласында қазанның 23-і мен 28-і аралығында өтеді. 1997 жылдан бері ұйымдастырылатын айтулы киносайыс, маусым сайын, әр елдің кіл мықты киногерлерін анықтайды. Қазақтың тенор дауысты «Әміресі»жайлы лента Лос-Анжелестік қазылар алқасының жүрегін жаулаған көрінеді. Енді, фильм Франция, Германия, Жапония сынды елдерден әкелінген 16 картинамен бас жүлде үшін таласқа түспек.