Қанат Ислам толыққанды әлем чемпионы атанған күні, күллі қазақ халқы тойлайтыны анық! Бұл мақсатқа да ол бір табан жақындады. Кәсіпқой боксшымыз  WBO тұжырымының жаңартылған рейтингінде үшінші орынға көтерілді!

Қанат Ислам 9-қыркүйек күні Астанада өткізген жекпе-жегінде, жеңілмеген канадалық  Брэндон Кукты нокаутқа түсірген болатын. Осылайша ол 25 кездесуінің бәрін жеңіп, оның 20-ын уақытынан бұрын аяқтады.  Енді Қанат өз салмағындағы WBO чемпионы атақты Мигель Коттомен жұдырықтасуы да бек мүмкін.