Отандық киногерлер әлеуметтік тақырыпты талқыға салса, Том Круз жаңа фильмінде АҚШ-тың мүддесін мүлтіксіз қорғамақ. Актер «Aмерикан Мэйд» атты тың кинокартинада бой көрсетті. Ол бұл жолы Орталық барлау басқармасының (ОББ) агентіне айналған жүректі ұшқыш рөлінде. Шынайы оқиғаға негізделген қылмыстық триллер америкалық пилот Барри Силдың өмірінен сыр шертеді. Түсірілім жұмыстары 2015 жылы басталған бұл фильмнің тұсауы күзде кесіледі.