«Түнде атылған оқ» телехикаясы бірнеше детективтік оқиғаларды қамтиды. Соның бірі орманда Мырзаш есімді жазықсыз қартты өлтіруден басталады. Оқиғаның басты жауыз кейіпкері – сатқын тыңшы, Орта Азия мен Қазақстан бойынша барлау мектебінің маманы, қазақ тілін білетін Черноносов. Оның мақсаты – бір снарядпен бірнеше ұшақты атып түсіруге қабілетті қару өндірісі туралы мәліметтерді жинау. Көздегеніне жету үшін Черноносов алдау, бопсалау, жазықсыз адамдардың өміріне қастандық жасау сынды барлық құйтырқы әдістерді қолданады.