Сериал қылмыстықтоптың өмірін көрсетеді, олар алаяқтықпен айналысады. Топ жетекшісі Дастан – білімді адам, психологияны жақсы біледі, кез келген адаммен тіл табыса алады.

«Түнде атылған оқ» телехикаясы бірнеше детективтік оқиғаларды қамтиды. Соның бірі орманда Мырзаш есімді жазықсыз қартты өлтіруден басталады. Оқиғаның басты жауыз кейіпкері – сатқын тыңшы, Орта Азия мен Қазақстан бойынша барлау мектебінің маманы, қазақ тілін білетін Черноносов. Оның мақсаты – бір снарядпен бірнеше ұшақты атып түсіруге қабілетті қару өндірісі туралы мәліметтерді жинау.

Сюжет ағайынды Самат пен Мараттың оқиғасына негізделген. Мараттың інісі Самат есірткіге тәуелді және ол бұл жаман әдетін ағасы мен анасынан жасырады. Бірақ көп ұзамай құпия ашылады.

Бұл драма бүгінгі қоғамның өткір мәселелерін - отбасындағы зорлық-зомбылық пен әйел құқығының шектеуін қозғайды. Ерте тұрмыс құрған Айша күйеуі мен ата-енесінің қорлауына жылдар бойы төзеді. Төзімі таусылған келіншек ұлын алып, жаңа өмір бастауға шешім қабылдайды. Бірақ ел-жұрттың сөзінен қорққан Айшаның туған әке-шешесі қыздан бас тартады. Бақыт жолында Айша сынып кетпей, қиындықтарға төтеп бере ала ма?

22 жастағы Ұлан,талантты дәрігер-интерн әрі футбол білгірі, армандаған аруына жақсы әсер қалдырғысы келеді. Оны қымбат көлікпен серуендету үшін, ол детейлингорталығында жұмыс істейтін досынан клиенттердің бір көлігін сұрайды. Бірақ, кездесуден кейін Ұлан Ринаттың көлігімен апатқа ұшырайды, көлікті жөндеуі үшінҰланнан ақша талап етеді. Қарызды төлей алмаған Ұлан оқиғалар тізбегінің құрбанына айналады: ол өзіне тиесілі емес көлігінен айырылады және екі адамғақарыз болып қалады.

Сериалдың бас кейіпкері Ада келешегінен үміт күттіретін әрі табысты бизнесвумен. Ол туризм саласында қызмет етіп, келешекте бизнесін шетелде дамытуды жоспарлап қойған. Алайда Аданың жоспары сауық кештерінің бірінде бәсекелесімен кездесуден кейін күрт өзгереді. Ақтауға сапар, кәсібіндегі сәтсіздіктер, жақынынның сатқындығы және ғашықтық хикаясы…

Полиция қызметкерлері деген кім? Біреулердің айтуынша, олар жалқаулар, ал біреулердің айтуынша өздері заң бұзатынын қылмыскерлер. Бірақ іс жүзінде олар маңызды іспен айналысады — қылмыскерлерден бейбіт азаматтарды қорғау! Серік пен Берік ауданды күзетеді және бұл жұмыс оларға рахат әкеледі!

Тағдыр сынына толы Ажардың өмірі туған әкесі өте бай адам екенін білгенде күрт өзгереді. Бірақ бұл өзгерістердің кесірінен өз сүйгеніне қосылу үшін көптеген қиындықтарға тап болады.

Бұл интригаға , қастандықтарға, сәттілік пен махаббатқа толы оқиға.  Басты кейіпкер Бегімай құрбысының түйіндемесімен Баян Мақсатқызының продюсерлік орталығына жұмысқа орналасады.

Сериал желісі еліміздің түрлі диаспоралары мен ұлт өкілдері өмір сүретін шағын ауылда өтеді. Бұл ауылдың кішкентай әлемі - қазіргі көпұлтты Қазақстанның үлгісі. 

Қазақстанның әртүрлі аймақтарынан келген төрт достыңтарихы суреттеледі. Университетті бітірген соң, олар үлкен қалада қалып,бірге пәтер жалдап тұрады. Шымкенттен келген Еділ – учаскелік полицияқызметкері. Оқуды аяқтаған соң, байланыстарының арқасында полицияғажұмысқа орналасып, оны қаланың ең даулы ауданына жіберген, мұнда ол түрлікомедиялық жағдайларға тап болады. Семейден келген Рауан – үнемі жұмысіздеуде. Ол көпшіліктің бірі сияқты даңқ пен ақшаға құмар, сондықтанәлеуметтік желілерде белсенді. Петропавлдан келген Рамис – жеткізуші.Әр тапсырысы кезінде әрқашан қызықты оқиғаларды бастан кешіреді. Ақтауданкелген Даулет – спортшы, спорт кешенінде әр түрлі жұмыс істейді: фитнес-жаттықтырушысы,бокс немесе йога жаттықтырушысы.

Жедел жәрдем бригадасының жұмыс күндері қалай өтеді? Күн сайын қазақстандықтардың өмірін құтқаратын, әзіл-қалжыңы жарасқан, тіпті күлкілі емес өмірлік жағдайларда мұңаймайтын жандар туралы шынайы және өткір хикая көрермендерге жол тартады. Ситком кейіпкерлері - жүргізуші, фельдшер және оның көмекшісі. Әрқайсысының өз қиындықтары мен армандары бар. Бірақ олардың негізгі борышы: санаулы минуттар ішінде тез шешім қабылдау

Еліміздегі музыкалық бағытта таспаланған ең алғашқы телехикая. Оқиға желісі жоғарғы өнер мектебінде өтеді. Жоғарғы сынып оқушылары арасындағы достық қарым-қатынас пен махаббат жайлы баяндалатын алғашқы музыкалық хикая.

Махаббат пен оның жолындағы түрлі тартыс жайлы жаңа отандық телехикая. Қос ғашық Рүстем мен Ботакөз ата-анасының жіберген қателіктері үшін өмірдің кедір-бұдыр жолымен жүріп өтуге мәжбүр. Тіпті ауылдан келе сала, қисынсыз жайтқа тап болған Ботакөз сүйгенінің қаны бір ағасы екенін де білмейді. Қас-қағым сәтте дөңгеленген дүние, толғауы тоқсан тіршілік, өзекті өмір, тағдырға деген ұшқыр қиялы бар жандар жайлы тың телехикая

"ВУЗеры" - қазақстандық теледидар тарихындағы ең танымал комедиялық телехикая. Мегаполиске еліміздің түкпір-түкпірінен келген студенттердің оқиғалары. Жақсы мінезді Баха, айла жасаушы Толик, жергілікті бұзақылар - Габа мен Хама, әдемі Жандос - өмірдегідей барлық кейіпкерлердің жиынтығы.

Қазақтар аққұба және көк көзді де болады, егерде олар - ОрыStar болса! Әлеуметтік кеңістікте атағы шыққан жоба, енді теледидарға жол тартты! Семен, Сергей және Женя есімді үш дос Instagram желісінде қазақ тілін үйренудегі жаңа тәжірибесімен танымал болды. Олар тілді заманауй коммуникациялық тәсілмен жаттайды. Тәжірибенің аздығын сезген сәтте, жігіттер нағыз қазақи ауылға жол тартады! Қонақжай мекенде қонақтап, жеткен жетістіктерін өз көзіңізбен көргіңіз келсе, жұмыс күндері 19:40-та НТК арнасынан "Метод ОрыStar" комедиялық хикаясын қосып, тіл үйрене отырыңыз!

Заринада өмірінде бәрі оңай: мектепке бару, балалармен сабақтан қашу, қыздардан ақша тартып лау, бірдеңе сатып алу. Ол мінезі мен рухы мықты қыз. Мектепте Заринадан барлығы қорқады, ал үлкендер құрметтейді. Оның әкесі түрмеде отыр, ал анасы алкогольді ішімдікке қызығады. Анасы екеуі ескі пәтерде тұрады, қызды ешкім бақылауға алмайды. Күндердің бірінде, Заринаның анасы екінші рет тұрмысқа шығады. Жаңа өгей әкесі қызын аса жақтырмайды, соның салдарынан отбасында жанжал жиілей түседі. Зарина "кек алу" керек деп шешеді. Оның идеясын достары қолдап, өгей әкесі жасөспірімдердің шабуылының құрбаны болады. Бұл сәтті өз пайдасына асырған өгей әкесі қызынан құтылу үшін милицияға өтініш жазады. Аға полиция қызметкері бұл әрекетті бұзақылық деп жаза ретінде Заринаны достарымен бірге бокс спорт секциясына жібереді. Осы сәттен Заринаның өмірі өзгере бастайды...

Бұл – грек-рим күресі жайында таспаланған алғашқы отандық туынды. Жоба барысында спорт, махаббат және қарапайым отбасы жағдайы бейнеленеді. Нағыз спортшыға тән қасиетті иемденген Омардың арманы – шынайы махаббатын кездестіру, әрі чемпион атану. Және бұл оның қолынан келеді!

Гүлнар Жәнібекованың жолы болды: ол ақылды әрі сұлу. Университетті бітіргеннен кейін микробиолог мансабын армандайды. Бірақ жұмыс берушілер оған тым әдемі деп мән бермейді. Студенттік мансабы модельдік бизнес те тыныштық бермейді: мұқабаларға түсу, тиімді келісімшарттар, жанкүйерлердің назары. Бірақ Гүлнар өзін бақытты сезінбейді. Құрбысы Ақмарал Гүлнардың қайғысын түсінбейді. Сөйтіп олар ойын ойлап табады: Гүлнар әдемілігін жасыруға бел буады, әжесінің киімін киіп, өзінің жарқын келбетін күлкілі парик пен макияждың артына жасырады.Осы сәттен қыздың қосарлы өмірі басталмақ: қызметкерлер үшін ол сүйкімсіз, ақымақ қыз, достары мен отбасы үшін бұрынғы сұлу Гүлнар.

Ауыл ақсақалы, қыңыр Жаңбырбай ата өлерінің алдында немерелеріне өздері ешқашан көрмеген, үйін, сиырын, Ақтөс итін және құны милиион доллар болатын 1 динарды мұра етіп тастап кетті. Бірақ мұраны алу үшін бір шарт орындауы керек: ауылда бір жыл тұру және аймағынан 24 сағаттан артық уақытқа кетпеу.  Шарт орындалмаған жағдайда барлық ақша жергілікті әкімдіктің шотына аударылады.