Алмагүл Сағындық, актриса
- Жалпы мен жаңа дүниені үйренгенді жақсы көремін. Режиссерлыққа да бардым, актриса да болдым. Dj-да боламын. Егер тағы да қолымнан келіп жатса, өнердің көптеген дүниелерді үйренуге дайынмын. Ол маған артық етпейді.
Энергетика, драйв және эмоция! Dj ALMA-ның музыка саласына бет бұруындағы мақсаты – тыңдарманға ерекше сезім сыйлау. Актриса микшерді таңдауыма қаражатың қатысы жоқ деп отыр.
Алмагүл Сағындық, актриса
- Ешқандай ондай ой жоқ қаражат табу деген сияқты. Жәй ғана жанымның қалауы.
Алмагүл Сағындықтың алғашқы диджей-сеты «TÓBE» музыкалық бірлестігі ұйымдастырған «UDERIS» концертінде өтті. Араға 2 жыл салып сахнаға оралған лейбл әртістері, кешке барын салып дайындалған. Тіпті қара жұмысты да істеген өнерпаздардың өздері.
Алмагүл Сағындық, актриса
- Біз сахнаны да өзіміз құрамыз, декорацияны да өзіміз жасаймыз. Бәрін өз қолымызбен істейміз.
ARShAT, музыкант
- Біз әрқашан жанды дауыста выступать еткенді қолдап тұрамыз. Өзіміз де барған жерімізде жанды дауыста әндетеміз. Оған қоса әртістердің өзінің творчествалық жолына өзі шағын продюсер деп айтсақ болады.
«UDERIS» – Қуанышбек Нұрғазының алғашқы соло кеші. «TÓBE»-лік музыкантты қолдап өнердегі әріптестері келген. Солардың бірі – Мәди Рымбаев. Олардың ортақ дуэті бар.
Мәди Рымбаев, музыкант
- Мен оған ұыныс жасаған болатынмын, ол бірден келісті. Контрастировать ететін әртіс шақырамын деп шештім, менің таңдауым Қуанышбекке түсті.
Қуанышбек Нұрғазы, музыкант
- Мақсат – қазақ музыкасын бір жаңа леп алып келіп әлемге таныту.
Кеш спектакль форматында. Еске салсақ Қуанышбек Нұрғазы – кәсіби актер. Ол «LABORATORY 316» тәуелсіз театрында өнер көрсеткен-ді. Ал әншілікке 2021 жылы келген.
Алмагүл Сағындық, актриса
- Мен Қуанышбекті «недооцененный» әртіс ретінде санаймын. Ол заманауи ақын, заманауи жыршы, заманның ауыртпалығын, қайғысын, қасіретін бейнесін айтатын ақын.
Қуанышбек Нұрғазы, музыкант
- Жалпы өзім жеңіл ән жазғым келмейді. Барынша боқауыз қоспауға тырысамын. Адамдарға жақсы ой, біздің тіліміздің бай екенін көрсеткім келеді.
