Селена Гомес сәуір айындағы «Interview» журналының бас мұқабасына шығып, Батыстық БАҚ-қа ашық сұқбат берді. Әнші әңгіме барысында психологиялық аурулары мен күйзеліске түскен кездерін бүкпесіз баяндаған. Селена ешқашан танымал тұлға болғысы келмепті. Бірақ атағы аспандап кеткенде жағдайды бақылаудан шығарып алған. Гомес талай рет шығармашылықтан қол үзбек те болыпты. «Бірақ бәрібір музыка мені жібермеді», - дейді өзі.

Алма ағашынан алысқа түспейді деген осы болса керек! Милла Йововичтың тұңғышы кино саласын бағындыруға ниетті. 12-ге жақында ғана толған Эва, «Голливудтан» ұсыныс алып та үлгеріпті. Милланы қынжылтатыны елдің сөзі екен. Көптеген адамдар «анасы актриса, әкесі режиссер, әрине басты рөл осы қызға бұйырады ғой» деп кесір сөйлейтінге ұқсайды. Оның үстіне осы уақытқа дейін Эва 22 іріктеудің, тек екеуінен ғана өтіпті.

Кэти Перри жанкүйерлерін жаңа суретімен қуантты! Жоқ, бұл әдеттегідей жартылай жалаңаш фотолар емес. Әнші қоянның пижамасын киіп алып, домаланып қалған ішін көрсеткен. Бұған дейін жүктілігін жасырып келген Кэти соңғы кездері, бәрін айна-ашық жариялайтын болған. Тіпті Орланда Блум екеуі сәбилерінің жынысын да құпияда ұстамаған. Бетіне алқызыл бояу жағып желіге жаңа сурет жүктеген Орланда болашақ нәрестесінің қыз болатынын астарлап жеткізгенді.