Әлемге әйгілі Billboard басылымы тыңдалымы жағынан топ жарған тректер тізімін ұсынды.Үздіктер бестігінде үш жылдан соң, шығармашылығына қайта кіріскен Леди Гага!

Соған қарағанда, эпатажды орындаушыны табынушылары сағынған. Тың туынды жарық көре саласымен музыкалы чарттардан түспесе, оның ютубтағы қаралымы 36 миллионнан асты. Бейнебаянда Гага өзге ғаламшардан келген келімсек кейпінде.

Сондай-ақ, қалың көпшілік Post Malone-ның «Circles»-і мен Дуа Липаның «Don't Start Now» трегін таласа тыңдап жатқаны белгілі. Еске салсақ, сылқымның бұл әні 4 ай бұрын жарыққа шыққан еді.

Өмір ғажап! Дәл осылай әуелете ән салған Future мен Drake-тің «Life Is Good» трегі құлаққаптардан түспей жатыр. Соған қарағанда, ерек тандем көптің көңілінен шыққандай.

Өткен жылы ғана дебьют алған Roddy Ricch болса, оңайлықпен өз орнын босатпақ емес! Бірнеше апта бойы Биллборд үздіктері арасынан табылған өнерпаз бұл жолы бірінші. Оның «The Box» трегі тыңдалымы жағынан рекорд орнатып жатыр!