Отандық шоу-бизнес өкілдері, инстаграмдағы оқырман санына келгенде шетелдік әріптестерінің шаңына да ілесе алмасы анық! Әзірге әлем бойынша, аталмыш әлеуметтік желіде фалловері ең көп - Криштиану Роналду. Аяқдопшыға анау-мынау емес, 202 миллион адам жазылған.

Бұл дегеніміз бүтіндей Бразилия елі немесе Қазақстан халқынан 11-есеге көп адам. Еске салсақ, спорт жұлдызы бір апта бұрын оқырман саны 200 миллионға жеткені үшін, көпшілікке алғысын білдірген еді. Алайда, содан бері бір жұманың ішінде оның фалловерлер саны 2 миллионға артқан. Яғни, Криштианудың инстаграм парақшасына әр секунд сайын 3 адам жазылған.

Ал әйгілі аяқдопшыға деген оқырман қызығушылығының артуына оның сүйіктісі – Джорджина Родригес септігін тигізген. Роналдудың ғашығының кезінде қапайым дүкен сатушысы болып жұмыс істеуі, көптің назарын аудартса керек. Оның үстіне, Криштиану жиі жариялайтын жанұялық суреттер ел жүрегін елжіретпей қоймасы анық.

Ариана Гранде де, көп ұзамай Роналдудың рекордын басып озбақ ниетте! Алайда, әнші ару әзірге 174 миллион оқырманымен, екінші орынды місе тұтуға мәжбүр. Желі қолданушыларының арасында Ариананың танымалдылығының шарықтауына оның хит тректері сеп болған. Одан бөлек, өнер иесінің инстаграм парақшасымен айналысатын тұтастай командасы бар көрінеді.

2018 жылы Голливудтың ең табысты актеры атанған Дуэйн Джонсон қалың әмиянымен ғана емес, желідегі оқырман санымен де мақтана алады! Мінсіз мүсінді серінің инстаграм парақшасына 171 миллион фалловер жазылған.

Дуэйн Джонсон, актер:

-Әлеуметтік желі фильмді жарнамалаудағы басты құралға айналды. Әлем бойынша жинаған оқырманым менің капиталым сияқты. Сондықтан, олардың әрқайсысымен байланыс орнату мен үшін маңызды.

Дәл осылай деген Дуэйн расымен де, фалловерлерінің көптігін пайдаланып, қалтасын қалыңдатып жүрген жайы бар. Өнер еиесі қандай да бір киноға түспес бұрын, актерлік ганорарынан өзге фильмнің желідегі жарнамасы үшін қосымша қаламақы сұрайтын көрінеді. Ал, киногерлер өз кезегінде фалловері көп болғандықтан Джонсонды өз картиналарына шақырады екен.