Джеймс Бонд арамызға қайта оралмақ! Universal Pictures Дэниел Крэйг басты рөлді сомдайтын «Өлетін уақыт емес» атты шпиондық фильмнің су жаңа трейлерін ұсынды. Лентада сондай-ақ, Сафин кейпіндегі Рами Малектің байқауға болады. Еске салсақ, «агент 007» бұл жолы Фелик Лейтердің өтінішімен әлемді құтқаруға кіріседі.
Том Круз да маңызды миссия орындауға аттанды! Көптен күткен «Топ Ган: Мэверик» лентасы да көрерменмен қауышуға әзір. Бұл туынды 1986 жылы жарық көрген өзі аттас фильмнің сиквелы саналады. Онда, Мэверик есімді ұшқыштың мансап жолындағы бастан кешірген оқиғалары баяндалады.
Кезінде «Топ Ган» 4 бірдей аталым бойынша «Оскарға» үміткер атанған еді. Киносыншылардың пайымынша, туындының жалғасы да табысты болуы тиіс.
«Мулан» фильмі де үлкен экранға шығуға сақадай-сай! Диснейлік туындының ең соңғы трейлері ұсынылды! Су жаңа бейноликте отандасымыз Жайдарбек Күнғожинов бой көрсеткен. Еске салсақ, шытырманға толы фильмде каскадерлік трюктерді орындау еліміздің «Nomad Stunts» ұжымына сеніп таспырылған еді.
Жайдарбек Күнғожинов, «Nomad Stunts» командасының басшысы:
- Каскадер – трюкке дайындайтын адам болып келгем, 12 адамды алып келгем. Сосын актерларды дайындап жатқанда продюсер келіп, о Жайдарбек келді ғой, мына актерларды не қыламыз, бір актерды Канададан келген қайтарып жіберейік, Жайдарбекті қояйық деп, аяқ астынан өзім сасып қалдым.
Жайдарбек Күнғожиновқа Диснейлік лентада әскер басшысы рөлі бұйырған. Фильмде сондай-ақ, Джет Ли де төбе көрстепек.
