Өткен жылдан бері шешімін таппай келе жатқан Джонни Депп пен Эмбер Херд арасындағы шиеленісті дауға ақыры нүкте қойылған сияқты. Себебі, күні кеше желі беттеріне Эмбердің Джонниды балағаттап, ауыр сөздер айтып жатқан аудиожазбасы тарап кеткен. Осы аудиоға қатысты сұқбат берген ол, актерды ұратынын да жасырмаған. Эмбер осылайша Деппты қайрай түскісі келіпті. Бұны естіген жұрт актрисаның ауытқушылығы барын айтуда.

Леди Гага жұртқа алғаш рет сүйіктісін көрсетті! Майкл Поланский есімді кәсіпкермен, 33 жастағы әнші Майамиде өткен «Суперкубок» кешіне қол ұстасып бірге келген. Жақында ғана жалғыздық жайлы сұқбат берген Гаганың, бүгінде бақыттан басы айналып жүргенін, жымиған жүзінен ақ байқауға болады.

Күні кеше Лондонда жұлдызды әлемнің алпауыттары жиналған «Vogue» сауық-кеші өтті. Онда Бредли Купер мен Ирина Шейк те бой көрсеткен. Жақында жұптары жазылған олар, отырыс аяқталғанша бір-біріне қарамай, амандаспай жүріпті. Бірақ Бредли кеш соңында, Иринаға жақындап «Суретке түсейік» деп өтініш білдірген. Екеуінің фотоларын көрген жанкүйерлері «жақсы жаңалықтың ауылы алыс емес» деп болжамдар айтуда.