Ел арасында Сәбит Әбдіхалықовтың үшінші рет отау құрғаны жайлы жаңалық желдей есіп жүр. Актердің қалыңдығына құда түсіп жатқан сәтінің суреттері Instagram желісіне де тарап кеткен.

Белгілі болғандай, Әбдіхалықовтың "қалыңдығы" өзінен 16 жас кіші болып шықты. 30-дағы Динара Абдуллина көпшілікке отандық телехикаяларда басты рөлдерді сомдап жүрген актриса ретінде танылған. Атыраудың аруы 2011 жылы Т.Жүргенов атындағы өнер академиясын тәмәмдаған. Сол уақыттан бері Сәбит мырза басқарып отырған театрда қызмет етіп келеді.

Асылхан Төлепов жартылай жалаңаш суретін жариялап, желіде қызу пікірталас тудырды. Бірі актердің сымбатты денесіне тәнті болып жатса, енді бірі ерсі деп сынауда. Өнер иесі суретінің астына «Жаңа жыл – тың, ешкімге ұқсамайтын образдарға толы болатыны сөзсіз» деп екіұшты жазба қалдырған. Асылханның бұл постын оқығандар, оның не айтқысы келгенін болжап әлек.

Әлем көз тіккен сері – Димаш Әділеттің мойынына қарғы бау, саусағына неке жүзігі салынды... Бұл жоғарыдағы видеоны көрген жұрттың пікірі еді. Көп ару көз жасын көлдетіп, бақыт та тілеп үлгерген-ді. Бірақ бәрі біз ойлағандай болмай шықты. Аталмыш роликті Димаш, достарының желідегі парақшаларының белсенділігін арттыру мақсатында түсіріпті. Кішігірім пранк көптеген адамның зәре-құтын алса керек, өтірік екенін білгендер бөркін аспанға атуда.