Бред Питт көптен бері жанын жегідей жеген жарасы жайлы ашық сұқбат берді. Энджимен айырылысып кетуінің де басты себебін бүкпесіз баяндаған актерды осыған дейін ел, «қызқұмар» деп айыптайтын. Асылында ол алкогольдің ғана алдында әлсіз болып шықты. Бред сұқбат барысында ішкілік бар өмірінің күл-талқанын шығарғанын, одан айығуға бар күшін салып жүргенін айтқан. Тіпті соңғы екі жылдың ішінде «анонимді ішкіштер» клубының да табалдырығын тоздырыпты.

Бред Питтің әулетінде тағы бір тың жаңалық! Джоли екеуінің 13 жасар қызы Шайло енді ресми түрде Джон болып шыға келді. Ол ес білгеннен жігіт болғысы келетінін жасырмады. Тіпті ерлерше киініп, ерлерше шашын сәндейтін. Соңғы екі жылда арнайы гормоналды дәрілер де қабылдап жүрген көрінеді. Ал кәмелекттік жасқа толғанда жынысын ауыстырмақ ниетте екен. Қыздарының бұл қылығын Бред те, Энджи да қолдап отыр.

Роберт Паттинсон енді жанкүйерлеріне қызықсыз болып қалдым деп, жергілікті арналардың біріне сұқбат берген. «Көрерменді бір образбен жалықтырып алдым»- дейді актер. Одан бөлек Роберт, жақын күндері жағымды жаңалығымен қуантатынын айтып, көпшілікті қызықтырып қойған. Бұны естіген оның табынушылары түрлі жорамал жасап, Пэттинсонның хабарын топшылап әлек.