Айдана Шалқар, @aiudna

- Еркебұлан Тоқтар қос бірдей аруға ғашық. Бірі –байдың қызы болса, бірі – бала күнгі махаббаты. Иә, - бұл «Байдың қызын аламын» картинасының синопсисі. Бүгін жабық көрсетіліміндеміз. Сонымен, Еркебұлан қандай таңдау жасады? Бірге білейік.

Тамирис Жанғазинова, актриса:

- Шынымды айтсам, кішкентай кезімде армандайтынмын байдың қызының рөлін сомдағым келеді деп. Шын айтамын.

-Жалпы осы Еркебұланмен видео жүктегеннен кейін барлығы шулап, кәдімгідей талқыға салды. Сол пікірлерді қалай қабылдадыңыз?

Тамирис Жанғазинова, актриса:

-Негативті пікірлер көп болды. Бірақ өнер жолында бұрыннан келе жатқаннан кейін ондай сөздерге үйреншікті.

«Байдың қызын аламын» картинасындағы басты рөл Ақерке Назарбековаға бұйырған. Айта кетейік, бұл – оның екінші толықметрі.

Сюжет бойынша Ақерке Еркебұланға ғашық болғанына қарамастан, оған жар таңдауға көмектеседі.

Ақерке Назарбекова, актриса:

- Айдана деген қыз өзі ветеринар боп жұмыс істейді. Темірлан байдың қызын іздеп жүргеннен кейін, ал менің клиникама өңкей байдың қыздары келеді да. Темірланға сол байдың қызымен танысу үшін мен көмектесем.

- Көптеген актрисалар айтып жатады: «Мен осы фильмдегі гонорарыма осындай зат аламын, шет елге шығып қайтамын» деген сияқты. Ал, өзіңіз осы фильмнен алған гонорарыңызды қалай жұмсайсыз?

Тамирис Жанғазинова, актриса:

- Өлең жазып жатам өз алған ақшама. Өнеріме құямын.

Ақерке Назарбекова, актриса:

- Жұмсап қойдым.

- Қымбат зат алған сияқтысыз ғой?

- Өзіме керек нәрселерді алдым.

Дархан Саркенов, режиссер:

- «Байдың қызын аламын» деген бәрімізге белгілі ән бар. Сол әннің желіісімен жазылған, негізделген , негізделе отырып жазылған сценарий.

Аталмыш туындының жабық көрсетілімінде жұлдызды қонақтар көп болды. Өнер иелері 80 млн теңге қаражатқа таспалаған фильмге өз бағаларын берді.

- Фильм сізге қандай әсер қалдырды?

Жан Байжанбаев, актер:

- Еркебұлан сондай жағымды, сымбатты кейіпкердің рөлін сомдап шықты. Оның бұл ойыны мені таңғалдырды. Картинаның соңы маған қатты ұнады. Бұл фильмнің кассасы көп болады деп сенемін.

Рамазан Амантай, актер:

- Сізге актерлық ойын ұнады ма?

- Бүгін Еркебұлан досымның ойынына өте таңғалдым. Керемет ойнап шықты және Тамирис қарындасымыз тамаша ойнап шықты. Ақерке қарындасымыз жаңалық болады бұйырса қазақ киносының.

Олжас Тоғымбет, актер:

- Маған сценарий ұнады. Сценарий жағынан барлық бөліктер өз орнында.

Айдана Шалқар, @aiudna

-«Байдың қызын аламын» трегі әлемде ең көп тыңдалған Қазақстандық туынды. Әнге меседжі де, мотиві де ұқсас фильм бұл жетістікті қайталай ала ма? Бокс офис айқындайды.