«Бизнес по-казахски» фильмінің жұлдызы Рамазан Амантай үшін бұл жобаның орны ерекше. Еске салсақ, актер тек Нұрлан Қоянбаевтың туындыларында ғана бой көрсетіп келеді. Еркоштың кейіпкері арқылы танылған ол: «Томпақтығым рөлге қол жеткізуіме сеп болды», - дейді.
Рамазан Амантай, актер:
- Көбісі айтады Нұрлан Қоянбаев сенің паспортыңды тартып алған ба деп. Неге ешқайда түспейсің, рұқсат бермей ма деп. Бірақ айтамын, өзім таңдап түсемін киноға. Өзіме осы кісінің кинолары ұнайды.
Қоянбаев тек Рамазанның ғана емес, Дариға Бадықованың да бағын жақты десек артық айтпаспыз. Бүгінде сұраныстағы актриса бір сарынды образдарды сомдап жүрудің өзін талантқа балайды. Өнер иесі киноға тек мінсіз мүсінді арулар түсу керек деген стереотипті көзқараспен мүлдем келіспейді.
Дариға Бадықова, актриса:
- Қыздар 90-60-90 болып қатырмайсыз ештеңені, ештеңе қатырмайсыз. Өзініңіздің құдай берген пошымыңызды пайдалана біліңіз. Маған осындай характерлер беріліп тұр ғой. Тракторшының махаббатына осы типаж арқылы шақырту алдым ғой.
Типажы ерек актерлар арасында Әшім Ахмет те бар. Кино және театр жұлдызы: «Тек өзімнің кейіме келетін кейіпкерлерді сомдаймын», - дейді. Актер толықметрлі ленталарда әдетте бұзақыларды ойнайды.
Әшім Ахметов, актер:
- Көбінесе кинода мен жаңағыдай батырлар, ұрып соғатындар, мафиялар, енді типажым сондай болғандықтан сондай рөлдерді ойнаймыз. Ал, бұл сахна болғандықтан, бұл жерде бізге өзімізге кез-келген рөл берілсе, соны алып шығуға тырысамыз. Бұл біздің міндетіміз деп айтсақ болады актер ретінде.
Әзілкеш Қабдол Тілеков те, ерек имиджінің арқасында толықметрлі туындыға шақырту алып отыр. Қабдол кәсіби актер болмаса да, бірден белді киногерлермен бір алаңда жүргеніне әле де сене алар емес.
Қабдол Тілеков, актер, әзілкеш:
- Кино дейтін мына полнометржный дейтін өте бөлек екен атмоферасы, жұмысы да. Сосын ойнаған кісілер де. Ойнап жатырған актер актрисаларды көріп вообще мандраж болып қалай болады екен деп.
Қазақстандық кинода сондай-ақ, тума таланты және ерекше кейпімен көрермен жүрегін жаулағандар арасында Фархад Абдраимов, Төлепберген Байсақалов, Марат Достаев, Қажет Смағұлов сынды өнерпаздар бар.
