Қызықты фильмдер көріп, санаңызды серпілткіңіз келсе, бізбен бірге болыңыз! Себебі, НТК ұсынған фильмдермен көңіліңіздің көк жиегі кеңейіп, уақыттың қалай өтіп кеткенін байқамай қаларыңыз сөзсіз.

«Титаник» туындысына тамсанбайтын көрермен жоқ десек, артық айтпаспыз. Фильм соңы көңілге кірбің түсіріп аяқталса да, дәл осы киноның жанкүйері күн санап көбеймесе, азаймақ емес. Сондықтан осы демалыста Джек пен Роуздың махаббаты мазмұндалған картинаны тамашалауды ұмытпаңыз!

Белла есімді 17 жасар қыздың хикаясына негізделген «Сумкерки» киносы да көрерменмен қауышуға әзір! Эдвардтың сырға толы көздері мен ерекше сымбаты сылқымды өзіне ессіз ғашық етеді. Бірақ тарымды ару, өзі ұнатқан серінің қанішер екенінен хабарсыз еді. Тұнық сезімге құрылған фильмде: Роберт Паттинсон, Кристен Стюарт, Тэйлор Лотнер, Никки Рид сынды азулы актерлар бой көрсетеді.

Ал кішкентай балақайлардың назарына «Дети шпионов» фильмі ұсынылады. Әпкелі-інілі Кармен мен Джуни Кортестің көзсіз батырлықтары таңқалдырады. Антонио Бандерас басты рөлді сомдаған туынды 147 миллион доллар жинап, 2001 жылы рекорд орнатқан болатын. Ендеше, шытырманға толы киноны сіз де тамашалаңыз!

Ал «Побег из библиотеки мистера Лимончелло» туындысы кез келген көрерменнің жүрегін жібітері сөзсіз. Өнертапқыш Лимончелло банктың ескі ғимаратын, түрлі тапсырмалар мен қақпандарға толы кітапханаға айналдырады. Онда кірген адам оңайлықпен шықпайды. Ендеше сіз де бас кейіпкермен бірге қызықты оқиғаларды бастан кешіріп, шығарға жол тауып көріңіз!

НТК арасының ұсынары бұл ғана емес! Одан өзге, тағы қандай фильмдер көрсетілетінін және оның уақытын НТК-ның сайтынын біле аласыз.