Дрейк, Lil Yachty мен DaBaby-дан тың туынды! Хип-хоп орындаушылар су жаңа ерек бейнебаянымен табынушыларын таң қалдырды. Үштік, «Oprah’s Bank Account» деп аталатын кезекті клипке әйгілі тележүргізуші Опра Уинфридің шоуына пародия жасады. Ол үшін Яти әйел болып киніп, иммиджін өзгертуге барған.

Әзілге толы бейнебаян көпті қызықтырса керек. Видео бір тәуліктің ішінде 5 милионнан аса қаралым жинап үлгерді.

Хард-рок пен хеви-металдың патшасына айналған Оззи Осборн да туындыны таспалауда шет қалмады! Аты аңызға айналған музыкант «Ordinary Man» бейнбеаянын ұсынды.

Су жаңа клипте Оззи туған қаласы Бирмингемдегі кинотеатрда өзінің өмірі туралы фильмді тамашалайды. Бейнебаянда өнер иесі өткеніне көз жүгіртіп, бүгінгі сәтке дейінгі ғұмырын еске алады.

Ал Эминем болса ностальгияға бой алдыруды құп көрмейді! Хип-хоп орындаушы ыстығы басылмаған «Godzilla» клипін халық назарына ұсынды. Бейнебаянда ішімдікке сылқия тойып алған сері түрлі тосын сәттерге тап болады. Тіпті, лентада Доктор Дре мен Майк тайсонды байқай аласыз.