Мадонна сахнада ұятқа қалды! Поп-жұлдыз өзінің кезекті шоу концерті кезінде үстел үстінен құлап түскен. Десе де, ән айтуын тоқтатпаған өнерпаз жылап жіберіпті. Бұған қарап жанкүйерлері, оның денесі қатты ауырып қалды деп болжауда. 61 жастағы әнші бұған дейін де тізесін жарақаттап алған екен. Соған қарамастан «Madame X Tour» гострольдік турын жалғастырған Мадоннаның табынушылары жаппай мақтап жатыр.

Патшалық әулеттен іргесін бөлек салған, Меган Маркл кино карьерасын қайта қолға алмақ ниетте! 38 жастағы актрисаның арманы блокбастерлерде басты рөлді сомдау. Қала берді Меган, мульткейіпкерлерді сомдау үшін «Disney» компаниясымен келісімшартқа отырыпты. Әйелінің бұл бастамасын, ханзада Гарридың өзі қолдап отырған көрінеді.

Кэти Перри жақында өтетін тойы жайлы Батыстық БАҚ-қа ашылып, арнайы сұқбат берді. Орланда Блумға жар болатын әнші, қатты қобалжу үстінде екенін, десе де процесске араласпай, барынша сабыр сақтап жүргенін айтқан. 2017 жылы айырылысып, 2018-де қайта қосылған жұлдызды жұптың той күні әзірге құпия. Тағы бір жәйт, Кэти көп ұзамай ана болғысы келетінін айтып, жұртты қызықтырып қойған.