Мөлдір Әуелбекова продюсерлік ететін «Назар» тобы өздеріне назар аудармақ ниетте. Кішігірім шығармашылық үзілістен соң, ұжым жаңа құрамын таныстырып, кезекті клипінің тұсауын кесті. Бейнебаянда Ақан Сатаевтың «Томирисінде» төбе көрсеткен Салтанат Серкебаева байқалмады. Сөйтсек, топтан кеткен сылқым Әуелбекованың ақ батасын алып, шетелде білім алуға бел буған.

Таяуда ғана құлағына сырға салынған Динара Бақтыбаева заңды түрде некеге тұрды! Ең қызығы, сүйіктісі Арман Атырау қаласында болғандықтан, неке қиюға өтініш жіберіп, оған актриса Алматыда қол қойған. «Екі қаланың қашықтығы үйленуімізге кедергі болмады»,- деп жазба қалдырған Динара, көпшіліктен сүйінші сұрады. Ғашықтарды біз де құттықтаймыз!

Ал, әнші Мәдина Сәдуақасова Шарын шатқалында бейнебаян таспалады! Әзірге Сәдуақасованың тыңдарманына қандай тосынсый жасап жатқаны белгісіз. Десе де, өнер иесінің клиптегі образы желі қолданушыларының арасында қызу талқыға түскен. Көпшіліктің пікірінше, Сәдуақасова ханымның киген костюмі қазақтікі емес, өзге ұлттың киім үлгісіне көбірек ұқсайды екен.