Азулы продюсер Харви Вайнштейн өмірінің 29 жылын енді темір тордың арғы жағында өткізетін болады. Нью-Йоркте өткен сот отырысында айыпты деп танылған Харви, жазасын Рикерс аралындғы түрмеде өтемек. Оның 2006 жылы көмекшісін 2013-те жас актриса Джессика Манды зорлағаны толық дәлелденіп, ең ауыр үкім тағайындалған. Бірақ шығарылған шешіммен келіспеген ол, істі қайта қарау арызын түсіремін деп отыр.

Ал сүйіктісі Бредли Купермен қош айтысқан Ирина Шейктің күйзеліске түсуге мүлде уақыты жоқ сияқты. Себебі сәнбике жаңа ғашығымен бірге Милан көшелерінде серуен құрып жүр. Сән агенттігінің директоры Али Кавусси екеуі қол ұстасып, дәмханалардың бірінен түскі ас ішіп шыққан жерлерінен камера көзіне түсіп қалған. Иринаның сол қолындағы неке жүзігіне қарап, жанкүйерлері жақсы жаңалықтың алыс емес екенін жарыса жазуда.

Ким Кардашьян жаңа топтамасын ұсынбақ! «Жеңіл, жұқа әрі ең сәнді» болады деген Кимнің киімдеріне тапсырыс берушілердің қарасы көп. «Skims Naked» аталатын коллекцияның тағы бір ерекшелігі, ол денедегі артық майларды жасарып, фигураны жинақы көрсетіп тұрады екен. Бастапқы бағасы 28 доллардан басталатын бодилар жақын күндері сатылымға шықпақ.