Айқын Төлепберген мен Жұлдыз Өмірғали кенжелері - Айяның жүзін көрсетті! 1 жасқа дейін тұңғышы Санжарды жұрт назарынан жасырып келген жұлдызды жұп, қыздарының фотосын желіге жүктеген. Мұны көрген оқырман «Айя әкесінің аузынан түсіп қалғандай» деп пікір қалдырып жатыр. Айта кетерлігі, өнерлі отбасының кенжесі әкесі Айқын таспалаған «Где мое кольцо?» картинасында да бой көрсетпек.

Көптен бері халық көзінен алыстаған Дастан Оразбеков жаңа бейнебаян ұсынды! Тректің әні мен сөзі қырғыз елінің азаматы, марқұм Ақжолтай Қанатбектікі. Автор туынды жарыққа шықпастан, жол апатынан қайтыс болған. Сондықтан да, Дастан әннің қазақша нұсқасын жасап, бейнебаянды автордың құрметіне Бішкек қаласында таспалаған екен.

Ал Жапонияға сапарлатқан Баян Алагөзованың көмекшісі өз үйіне жете алмай отыр. Скат әуекомпаниясы Назым Басқынбаева отырған рейстегі барлық жолаушыны 14 күнге карантинге жатқызыпты. Бұл жағдайға қатысты Мақсатқызы үнсіз қала алмады. Продюсер, коронавирус індетіне шалдығуы мүмкін жолаушыларды барлығымен бірдей тасмалдаған әуекомпанияға қапалы. Инстаграм арқылы наразылығын білдірген Алагөзова, мәселенің жерде қалмауын сұрайды.