Әлемге әйгілі «BTS» тобы тағы бір мәрте үздік екендерін дәлелдеді! Корейлік бойзбенд көптен күткен «Map Of The Soul: 7» туындысының тұсауын кескен еді. Үнтаспаның жарық көргені сол-ақ, жинақ дәл осы жылдың ең сатылымы жоғары альбомы атанды.

Онымен қоса, BTS -тықтар АРМИ назарына «ON» трегіне бейнебаян ұсынды. Америкалық әнші Сиямен орындалған коллаборация, небәрі 3 сағатта ютуб платформасында 6 млн қаралым жинаса, туындыны 3 күнде 73 млн рет тамашалаған. Мемберлер үшін бұл жаңа рекорд!

Тіпті, «Big Hit Entertainment» көптің қызығушылығын тудырған аталмыш бейнеклипке қатысты арми-ден сұхбат алып, арнайы видео ұсынды.

Диана Гриндевуд, арми:

- Жігіттерді «Биллборд мюзик авордс» марапаты мықты деп тануы үлкен жетістік. Осындай сапалы, керемет дүние шығару көптің қолынан келе бермейді.

Майкл Старери, арми:

- Меніңше «БТС» адамдарға бақыт сыйлайды. Олардың әрбір трегінен шабыт алуға болады. Жігіттер тіпті өзге музыканттарға мотивация береді деп ойлаймын.

Ал «Map Of The Soul: 7» альбомы басы-қасы 20 тректен тұрады. Аталмыш жинақ «BTS» тобының 7 жылдығына арналған.