Әйгілі «Форсаж» картинасының жұлдыздары көрермендерімен қайта қауышады! «Universal Pictures»-тың аты аңызға айналған франшизасы осымен тоғызыншы бөлімін жарыққа шығармақ.
Еске салсақ, басы-қасы 6 млрд АҚШ долларына кенелген «The Fast and the Furious» голливуд киноиндустриясында ең табысты фильмдер тізімінде. Картинаның кезекті бөлімнің құрметіне,Вин Дизель бастаған актерлар қауымы түсірілім алаңынан эксклюзивті кадрлар ұсынды.
Вин Дизель, актер:
- Фильм жарыс туралы болғанымен, отбасылық құндылықтарды көрсетеді. Лента, кез-келген ұлттың бір жанұя бола алатыны жайлы. Біз ешқандай қарсылыққа, заңға, дәстүрге қарамастан түрлі жандардың өмірін тоғыстыра алдық.
Ал драйвқа толы лентаның тоғызыншы бөліміне 500 млн ақш доллар жұмсалған-ды. Жоба авторлары бұл жолы, бұрыңғы кейіпкерлерді киноға қайта шақыруды жөн көрген.
Джордана Брюстер, актриса:
- Талай жылдан кейін қайта келемін деп ойламадым. Бірақ, шақырту түссе, неліктен картинаны қолдап, төбе көрсетпеске. Одан бөлек, өзімнің кейіпкермімді қатты сағынып қалыппын.
Ал туындыда Доминик Тореттоның сүйіктісінің рөлін сомдайтын Мишель Родригес, лентаның түсіріліміне ұзақ дайындалдым дейді.
Мишель Родригес, актриса:
- Мен образға ену үшін Лас-Вегасқа тек көлікпен қатынадым. Негізі, машина айдау – менің сүйікті ісім деп айтсам да болады. Қауіпті екенін де білемін, бірақ жан дүниең қалап тұрса сен онымен ештеңе істей алмайсың. Тек газды басу қажет.
«Форсаж 9»-дың режиссерлық тізігіні Джастин Лиге бұйырған. Еске салсақ, киногер осымен 5-ші мәрте жоба жетекшісі атанып отыр.
Джастин Ли, режиссер:
- Осы уақыт аралығында біз бір отбасыға айналдық. Мен бұл жобаға жас кезімде келдім, енді міне 14 жылда күллі әлемді шарлап шықтым десе де болады.
Су жаңа картинада сондай-ақ, жаңа кейіпкерлер де жоқ емес. Мәселен, дарынды актер Джон Синаға фильмде басты рөлдердің бірі бұйырған.
Джон Сина, актер:
– Алғашында, түсірілім тобы маған жатырқай қарады. Ортаға сіңісу қиын болғанын жасырмаймын. Бірақ, кез-келген актер мұндай сынақтан өтуі тиіс. Мен сүрінбей өттім.
Ал отандық көрермен «Форсаж 9» кейіпкерлерінің кезекті хикаясын мамыр айының 21-нен бастап үлкен экрандардан тамашалай алады.
