«Ғаламат ғасыр» сериалындағы Бехрам-паша 17 жылға бас бостандығынан айырылды! Аднан Коч өткен жылы полиция қызметкерлерімен қарулы қақтығыс ұйымдастырғаны үшін және де заңсыз оқ дәрілер мен есірткі сақтағаны үшін 16 жыл 8 айға қамауға алынған. Танымал телехикаяның актеры тұтқындау кезінде алты бірдей құқық қорғау органының адамдарын жаралап, қарсылық көрсетіпті.

Джастин Тимберлейк пен Джессика Бил ұзаққа созылған шудан кейін көп алдына шықты. Жымиып қол ұстасқан жұлдызды жұп жақында психологтың көмегіне жүгінген болатын. Екеуінің жайдары жүздеріне қарап, жанкүйерлері бәрі түзелді деген болжамдар жасауда. «Грешница» фильмінің тұсаукесеріне келген олар кештен кейін Лондондағы мейрамханалардың бірінде кешкі ас ішкен.

Ким Кардашьянның енді өзі ғана емес, балалары да еттен бас тартып, дұрыс тамақтану салтына көшкен. Олардың бұндай шешімге келуіне сәнбике тікелей ықпал етіпті. Тіпті Канье Уэст те жарының бұл қылығын құптап отырғанға ұқсайды. Жұлдызды жанұя осы әрекеттері арқылы жан-жануарлар мен табиғатқа көмектеспек ниетте екен. Желіде оларды қолдап жатқандар жетерлік.