Мейіржан Төребаев қолын сындырып алды. Актер әрі вайнер күш сынасатын тележобалардың біріне қатысып, түсірілім алаңында жарақаттанған. Мейіранның жары Дана Есеева азаматының қайсарлығы мен ержүректігіне тамсанған мына бір видеоны желіге жүктеп, елді сүйсіндірді.

Ал Кенталдан жаңа бейнебаян. «Жаным-ай» атты әнге түсірілген туындыда вайнер Сека бой көрсетеді. Әзілге құрылған клипті тамашалаған қазнет қолданушылары пікірі екіге жарылды.

Қазақ батырының образында күш сынасқан Кентал сондай-ақ, құбыжыққа енем деп таныстырғаны үшін оңбай сын астында қалды.

Төреғали – алпауыт күш иесі. Бұл желі қолданушыларының мына суретке берген бағасы. Қайрат Нұртаспен бірге түскен фотодағы Ұлы дала баласының қол бұлшықеті тым жасанды көрінеді. Оқырмандардың бірі оны фотошоп деп жатса, өзгелері Төрештің жаттығу залында ұзақ тер төккені көрінеді десті.