«BTS»-тен су жаңа туынды! Әйгілі кей-поп ұжымы күллі армиге тосын сый жасады. Корейлік бойз-бэнд «Outro: Ego» трегіне клип таспалады.

Бұл жолы бейнебаянда бас кейіпкер Джей-Хоуп. Лентада «BTS»-тің мембері топтың 7 жылдық тарихын еске алады. Жігіттер одан бөлек, «Map Of The Soul: 7» альбомының тұсаукесеріне дайындалып жатыр. 21-ші ақпанда жарық көретін үнтаспаның 3 млн-нан аса данасына алдын-ала тапсырыс беріліп қойылған көрінеді. ВТS тарихында бұл жаңа рекорд.

Америкалық әнші Кешаның да ұсынары бар! Өнерпаз өзінің су жаңа альбомына енген «High Road» трегіне ерекше клип таспалаған-ды.

Кеша да аталмыш еңбегі арқылы өткенге саяхат жасаған. 80-90-шы жылдардағы кезеңді клипінде көрсету үшін, өнерпаз өз стилін де өзгерткен.

Кезінде атағы шартарапқа тараған «The Pussycat Dolls» тобы болса, бұрынғы танымалдылығын қайтаруға құлықты! 10 жылдық үзілістен кейін сахнаға оралған ұжым репертуарын жаңартқан. Николь Шерзингер бастаған гелзбенд алғашқы туындысын әнші Меган Трейнормен шырқады.

Еске салсақ, 1995 жылы құрылған «Pussycat Dolls», 2010 жылға дейін ғана өнер көрсеткен болатын. Ұжымның су жаңа бейнебаянs 7-ші ақпанда жарық көреді.