«Eurovision» байқауына Ресейдің атынан аттанатын үміткерлер тізімі қызу талқыға түсіп жатыр! Қалың көпшілікті, әсіресе, әнсайысқа Димаш Құдайбергеннің қатысушылар арасынан табылуы таңқалдырса керек. Алайда, өнерпаздың менеджері Хизри Байтазиев желіде желдей ескен ақпараттың жалған екендігін жеткізді.

Оның үстіне, Димаш Құдайберген қазіргі таңда жоспарланып қойған «Arnau tour»- ға дайындық үстінде. Концерттер легі ақпанның 16-сы Краснодардан бастау алмақ.

Қанат Айтбаев, Димаштың әкесі

- Ұйымдастырушы тарап, біздің Ресейдегі біздің бағыттағы әріптестеріміз.

Биылғы «Евровидение-2020» байқауы Нидерланды елінде өткізілмек. Әнсайыс үшін бұл мерейтойлық 65-ші маусым.

Ал конкурсқа қатысуға үміттілер арасынан әнші Zivert табылды. Еске салсақ, Ресейлік өнерпаз өткен жылы жеке концертімен Қазақстанға келген еді.

Zivert, әнші:

- Қазақстан мені әрдайым құшақ жая қарсы алады. Бұл елдің халқы көңіл көтеруді жақсы біледі. Бірге қосыла ән шырқағандарының өзі қандай мәртебе.

Полина Гагарина мен Александр Панайотов те «Eurovision» конкурсында өнер көрсетуі әбден мүмкін. Сондай-ақ, үміткерлер тізімінен «Little Big» рейв-тобының табылуы көпшілік үшін күтпеген жайт. Себебі, ұжым конурсқа бағытталмаған ерекше әндерімен тыңдарман арасында кеңінен танымал. Тіпті, олардың «Skibidi» трегі кезінде флэшмобқа айналған еді.