Мақпал Исабекова енді жалғыз емес. Әнші желідегі мына суретімен жүрегін жаулаған азаматының барын жеткізгісі келген сыңайлы. Оң босағада отырып қалған шоу-бизнес жұлдыздарының көшін бастайтын Исабекованың жеке өмірі оқырмандарын мазалайтыны жасырын емес. Сондықтан да бұл постқа қуанғандар көп. Ендеше жақсы сөз – жарым ырыс.
Ал мәдениет қайраткерлері Тұңғыш Президент стипендиясына ие болды. Олардың қатарында қазақтың Қыз Жібегі – актриса Меруерт Өтекешова, «Қан мен тер» трилогиясының авторы Әбдіжәміл Нұрпейісов, ақын Жүрсін Ерман, режиссер Фархат Шарипов және Канн халықаралық кинофестивалінің лауреаты Самал Еслямова бар.

Еслямова 2018 жылы Канн кинофестивалінде режиссер Сергей Дворцевойдың «Айка» картинасымен «Ең үздік әйел рөлі» жүлдесіне ие болған. Еске сала кетейік, стипендия иегерлері 20 АЕК, яғни

53 020 теңге алады.

Алматы ойын-сауық орталықтарының бірінде жаңа форматтағы кинотеатр ашылды. 5 бірдей үлкен зал, жайлы креслолар мен рестобар келген қонақтарды бейжай қалдырмасы анық. Сондай-ақ, Кинопарктың өзгелерден ерекшелігі – келушілер өз таңдауларына орай фильм, концерттерді тамашалап қана қоймай, залға дәмді тағамдардан тапсырыс бере алады. Бұл өз кезегінде қонақтарға жайлылық сыйлайтыны сөзсіз.