Эд Ширан музыкалық мансабына үзіліс жариялады. Әнші 2017-ші жылдан бері демалыссыз жұмыс істегенін айтып, желіге пост қалдырған. «Divide» туры менің өмірімді түбегейлі өзгертіп жіберді. Бірақ бүгінде бәрі бітті. Енді әлемді аралап өзімді дамытамын» деп жазған Эд сахнаға оралатын кез келгенше бүкіл әлеуметтік желіден бас тартып, жаңа өмір бастамақ ниетте екен.

Эмбер Херд пен Джонни Депптың шиеленіскен ара қатынасы актрисаның анасына қатты әсер етсе керек, Патрия әр сот отырысынан кейін жедел жәрдеммен ауруханаға жеткізіледі екен. Тіпті Эмбердің анасы Джониға хат жазып, қызын түсінуін және кешіруін өтініпті. Жұлдызды жұп әлі күнге дейін ресми түрде ажыраса алмай отыр. Себебі түрлі сараптамалар ұзақ уақыт алуда.

Карла Бруни 52-де! Желіге секіріп билегенін жүктеген әнші жанкүйерлерінің мақтау сөздерінің астында қалды. «Әлі күшіңіз тасып тұр ғой. Талай жас қызды жолда қалдыратын сияқтысыз» сынды тәтті тілектер қарша жауды. Әнші оларға «Сендердің жылы лебіздеріңнен кейін, 10 жылға жасарып қалғандаймын» деп инстаграмға пост қалдырған.