Джастин Тимберлейк соңғы айтқан сөздеріне өкініп, көп алдынан жарынан кешірім сұрауда. «Жаңа жылды бірге қарсы алайық, жаным» деп хат жазып, тосынсый жіберген әртісті Джессика кешірген секілді. Себебі, екеуі Нью-Йорк дүкендерінің бірінде шырша таңдап жүрген жерлерінде камера көзіне ілігіп қалған. Жұлдызды жұптың желідегі жанкүйерлері екеуіне жаппай бақыт тілеуде.

Хилари Дафф пен Мэттью Кома некелерін жасырын түрде қидырған! Желі беттеріне жұлдыздардың үйлені тойынан суреттер тарап кетті. 32 жастағы Хилари қуанышының құпия өткенін қаласа керек, айтулы мерекеге санаулы адамды шақырыпты. Қала берді той актрисаның Лос-Анджелестегі үйінің ауласында өткен. Жас жұбайларға жақсылық тілеп жатқандар жетерлік.

Рианнаның сән көрсетілімдерінің жұлдызы Каксми Брутус бақилық болды. 30 жастағы сәнбике Нью-Йорктағы госпитальдардың бірінде бүгін таңертең көз жұмған. Қатерлі ісік дертіне бойсұнбаған Каксмиды айтып келмейтін ажал ақыры құрығына түсірді. 14 жасында «сүйек рагы» деген диагноз қойылған оған, дәрігерлер көрсетілімдерге шығуға шектеу қойыпты. Бірақ ол ешкімді тыңдамаған. Достары оны «болат мінезді» ару ретінде естеріне алуда.