Роботтар мен трансформерлер қызыл кілемде! Лос-Анджелесте «Жұлдызды айқас» фантастикасының тұсауы кесілді. Көптен күткен премьераға голливуд актерларымен қатар, құлтемірлер жан-жақтан қаумалады. Тіпті кешке келген көпшілік, өздерін өзге ғаламшарда жүргендей сезінді.

Ал арнаулы жолақпен жүріп өткен киногерлер көшін Дэйзи Ридлер, Джон Бойега, Адам Драйвер, Марк Хэммил бастады. Одан кейін паппарацци алдында өзге де актерлар мен режиссер Дже́ффри Дже́йкоб А́брамстың өзі төбе көрсетті.

Дж. Дж. А́брамс, режиссер:

- Өте ерекше күйдемін. Командамды жақсы көремін. Фильм көпке ұнайда деп сенемін.

Кейіннен фотограф пен журналистер алында аз бөгелген актерлар, залға қарай бет алды. Көп күттірмей, кинокештің негізгі бөлімі де басталды.

Еске салсақ, «Скайуокер. Шығыс» картинасы «Жұлдызды айқас» киноэпопеясының тоғызыншы бөлімі саналады. Фантастиканың сюжеті «Соңғы джедайлар» оқиғасынан кейін өрбиді. Енді Лея ханшайым императордың тірі екені туралы хабар алып, джедайлар мен ситхтар арасындағы айқас өрши түседі.

Сиквелдың кезекті бөлімінде де кейіпкерлер қаз-қалпында сақталған. Мәселен, Рея образын бәз-баяғыдай Дейзи Ридли сомдамақ.

Дэйзи Ридлер, актриса:

- Түсірілім барысы ойдағыдай өтті. Киноалаңындағы серіктестерім өте дарынды жандар. Енді, еңбегіміз халықтың оң бағасын иемденсе жүрегіміз жай табар еді.

Ал «Жұлдызды айқастың» жалынды жанкүйерлері су жаңа лентаны бүгіннен бастап тамашалай алмақ. Фильм желтоқсанның 19-нан бастап үлкен экрандарда!