Голливудтың атышулы продюсері Харви Вайнштейннің де дауы жалғасуда. Еске салсақ, киногер қос арудың ар-намысын таптады деп айыпталған еді. Харвидің кезекті сот отырысы қалай аяқталды?

Былтыр қазан айында басталған Харви Вайнштейннің соты, әлі күнге дейін бір шешімін таппаған. Қос аруды зорлады деп айыпталып отырған кинопродюсерге, одан өзге 60-тан аса актриса шағымданған болатын. Нью-Йорк қаласында қайта қаралған іс те, дәлелдің аздығынан қыркүйекке дейін шегерілді.

Хосе Баэз, адвокат:

- Біз үшін бүгін сәтті күн болды. Сот отырысының кейінге ауыстырылғаны таптырмас мүмкіндік. Бұл уақыт істің мән-жайын қарастыруға жеткілікті.

Идрис Эльба үшінші мәрте шаңырақ көтерді. Британдық актер сәнбике Сабрина Доурмен дүбірлі тойын атап өткен. 2018 жылдың «ең сымбатты актеры» атанған сері, болашақ жарымен «Арамызда таулар» фильімінің түсірілімінде танысқан екен. 29 жасар модель мен танымал актер, салтанатты жиынды үш күндік мерекеге ұластырды.

Кейт Бекинсейл ғашығымен қарым қатынасын үзді. Өзінен 20 жас кіші тележүргізуші Пит Дэвидсонмен көңіл қосқан актриса, үзіліс алуға шешім қабылдапты. Небәрі 3 айдан аса бақытты жұптың күнін кешкен танымалдар, бір-біріне сезімдерінің суып кеткенін жеткізген. Еске салсақ Пит, Ариане Гранденің бұрынғы күйеужігіті болған еді.