Мадоннамен ән шырқау үшін колумбиялық жас орындаушы Малуманың қанша қаражат жұмсағаны белгісіз. Қос өнерпаз Medellin трегіне су жаңа бейнебаян ұсынды! Шығармашылық тандемнің ерек шыққаны сонша, туынды айналасындағы талқы толастар емес.

Бейнебаянда алпысты алқымдаған Мадонна мен 25-тегі Малума ғашықтар кейпінде. Тіпті, ақ көйлек киген поп-патшайымы колумбиялық жас жігітке тұрмысқа шығады. Еске салсақ, тың туынды майталман музыканттың MadameX жинағының құрметіне таспаланған. Аталмыш альбом маусымның 14-і күні жарық көрмек.