Америкалық рэпер 6ix9ine-ның да басы дауға қалды. Жас музыкантты композиторлардың бірі сотқа берді. Өнерпаз кезекті трегінің авторына, әнді жарыққа шығарамын деп уәде берген. Алайда, ол ойынан бас тартыпты. Істің мән-жайын тілшіміз тарқатсын.

6ix9ine-ның атына сотқа шағым түсірген Слейман есімді музыкант.

22 жастағы рэпермен ортақ туынды ұсынуды көздеген ол, Сикснайнның «Red Bandnna» трегіне авторлық еткен. Тіпті «Apple Music» платформасына жүктеу үшін келісіп те қойған екен. Алайда, Сикснайн бұл туындыны шығарудан бас тартыпты. Енді өнерпазға 100 млн доллар айыппұл салынып отыр.

***

Пинк тыңдармандарына көптен күткен альбомын ұсынбақ. Әншінің «Hurts 2B Human» жинағы жарық көруге әзір. Өнер иесі дәл осы үнтаспаға енген алғашқы тректі, музыкант Халидпен бірігіп орындаған. Қос өнерпаз табынушыларына арнап видео да дайындапты.

***

«Гарри Поттер» жұлдызы Руперт Гринт бойдақтықпен қош айтысқан көрінеді. Актер сүйіктісі Джорджия Груммен папарации көзіне неке сақинасымен түскен. Голливуд жұлдызы ғашығымен 2011 жылдан бері көңіл қосып келеді. Поттериандардың болжауынша, актер құпия түрде үйленіп алған.