Биллборд чартының ең үздігі болу үшін, жас өнерпаздар өзара таласқа түсуде! Аталмыш тізімде, Билли Айлишты ығыстырып, BTS тобы «сұраныстағы альбом» иегері атанды!

Сатылымы жағынан топ жарған «Map of the Soul: Persona» тек Биллборд қана емес, «Гинесстің рекордтар кітабына да енген еді. 7 тректен құралған альбом, бойзбендтің алтыншы жұмысы.

Еске салсақ, BTS The Beatles дәуірінен бері, үш рет үздік жинақ иегері ретінде Биллборд тізімінен табылған алғашқы топ.

Бір апта бұрын ғана, көш бастаған Билли Айлиш енді екінші орынға жайғасты! Небәрі 18-дегі жас музыканттың «When We All Fall Asleep, Where Do We Go?» альбомы көптің көңілінен шығуда. Туындының 98 000 данасы әп-сәтте сатылып үлгерген көрінеді.

Үздіктер үштігін ХАлид тұйықтайды! Free Spirit – өнерпаздың екінші альбомы.

ХАлид жуырда ғана 21-ге толса да, талай жүлдені еншілеп үлгерген жас әнші. Олардың арасында Грэмми, Billboard, Choice Awards сынды мәртебелі марапаттар жетерлік.