Бұл қарқынмен Зейн Малик көп ұзамай Биллборд тізімінен табылады деп сенеміз! Ал, әзірге әйгілі чарт өз үздіктерін анықтады. Сонымен, бұл аптаның ең тыңдалымы жоғары әншісі кім?

Майли Сайрустың әкесі – кіл мықты! Әйгілі әнші арудың ет жақыны Биллборд чартының көшін бастады. Билли Рэй Сайрус пен Lil Nas X-тың орындауындалағы «Old Town Road» трегі халыққа ұнауда. Соған қарағанда, майталман музыкант көп ұзамай өз қызына бәсекелес атанатын сыңайлы.

Тыңдауға тұрарлық тректің тағы бірі – «WOW» туындысы. Post Malone-ға тиесілі еңбек, жаңа жыл қарсаңында жарық көрсе де тыңдарманын әлі де жалықтырмақ емес. Аталмыш туынды, Биллбордтан өзге 20-дан астам елдің түрлі чарттарынан табылған көрінеді.

Khalid әуезді ән арқылы жанкүйерлерінің жүрегін жаулауда! Нақтырақ айтсақ, америкалық соул-орындаушының «Better» трегі муызыкалы чарттың үздіктері арасында.