Ноами Кэмпбелл болса, сүйіктісімен қош айтысты. Супермодель өзінен 23 жас кіші ғашығы Лиам Пейнмен қарым-қатынасын үзген. «One Direction» тобының мүшесі мен сәнбикенің мұндай шешімге келуіне не себеп?

Наоми Кэмпбелл 25 жастағы сүйктісімен төрт айдан аса көңіл жарастырып келген екен. Әйгілі сәнбике мен музыкант Лиам Пейн көпшіліктен қарым-қатынасын құпия ұстауға тырысып баққан. Алайда, жеке өмірлерін паш етуден қорыққан қос ғашықтар бір-біріне деген сезімдерінің суып кеткендігін айтуда.

Анджелина Джоли мен Брэд Питт ресми түрде ажырасты. Екі жылдан бері ортақ шешімге келе алмаған экс-жұптар заң жүзінде қарым-қатынасын енді үзгендерін мәлімдеді. 2004 жылы «Мистер мен Миссис Смит» фильмінің түсірілімінде танысқан жұлдыздар, үлгілі отбасылардың бірі еді. Алайда ұрыс-керістің кесірінен олар бірге тұра алмаған.

Уилл Смиттің ұлы тыңдармандарын қуантты. Актерлық пен әншілікті қатар алып жүрген Джейден, «Soho» трегіне арнап бейнебаян ұсынды. 20 жастағы өнерпаз тың туындысына қос ғашықтың хикаясын тоғыстырған екен. Басты рөлді өзі сомдаған музыканттың дәл осы әні қараша айында жарық көрген микстейпке енген еді.